फिर से तू आजा....

फिर से सपना कोई दिखा द

फिर से प्यार जता द

सूखल-सूखल डाली पर फिर से

प्रेम के फूल खिला द

फिर आव एक बार सही

कुछ आपन तू मन कह

कुछ हम मन के बात कहीं

फिर से तू जीवन महका द

फिर से हमरा के बहका द

मन के अंगना में फिर से

सुख के एगो दीप जला द

दूर सांझ के बेला देख

भारी-भारी मन हो जाए

अंत के ओर बढ़े सबकुछ

रात के जइसन जीवन हो जाए

फिर से तू चंदा बन के

अंजोरिया में हमरा के नहा द

सांस में जीवन बा हमरा

मन के इ एहसास दिला द

                    - रवि मिश्रा (02.10.2013)