प्रश्न

जे ना पाइल हक-हकूक

सहत रहल रौब-रसूख

जे ना भइल कभी बराबर

भोगत रहल सदा निरादर

उ हृदय ना मनाई जश्न

उ हृदय उठाई प्रश्न

बीतत गएल बरस-बरस

जन-गण के मन तरस-तरस

सिकुड़ल पेट ना भोगे अन्न

ढ़क ना पाएल उघाड़ तन

दरिद्रता के ना लगाई भस्म

उ ह़दय उठाई प्रश्न

चुपचाप न रह पाई उ अब

गुमनाम न बन जाई उ अब

अब समय के धार मोड़ दी

शुष्क शिला पर प्रहार छोड़ दी

ना ढोई शोषण के रस्म

उ हृदय उठाई प्रश्न

रवि मिश्रा- 20.08.13